نسى اسمي وباسم غيري ناداني

نسى إسمي وبإسم غيري نادانـي
جرحني جرح ماعمـري تألمتـه
وتأسف لي وتعذر لي وترجانـي
قول غلطه وسكت عنـه ماكلمتـه
شسامح فيك تناديني بأسم ثانـي
حسافه بس غلاك بالروح سكنتـه
اليوم إسمي باكر بكبري تنسانـي
خلاص ارجوك لاتفتح باب سكرته
خلاص انا محيت اسمك من لساني
وكل اسم علـى اسمـك تجنبتـه
ماعاد حبك يهز شي في وجدانـي
ولا انت ذاك الطفل اللـي دللتـه
انا مااعرف اشيل هموم ولا اعاني
ولا اندم على انسـان اذا عفتـه
وادوس انا على جرحي واحزاني
هذا اللـي مـن الدنيـا تعلمتـه